..:: يالعنبو عين(ن) لك الدمع ماتسوق ::..

[ملك الدمام]

:: :: ::
ياعاذلي بالحـب والشـوق حـراق
وش عاد لو بسكبه صافي من الموق

والحـال يعـلم به خبير(ن) بالاشـواق
من بنت شيخ(ن) راعي الذود والنوق

البارحـه ما امسيت والنوم ماراق
ومن لامني جعله من الحاله يذوق

واعـدتهـا والله عليم(ن) بالاعمـاق
اني على العفه وعلى سترها طوق

قامـت تناظـرني بهـا لوعـة فـراق
وهلت دموع عيونها صافي الشوق

قالت ياليت العـرق ماهـوب بـراق
لابيع لك نفسي على السوم بالسوق


واخدم تحت رجليك عاشق ومشتاق
ياليتني بنت اصفر العرق والـبوق

قلت اكرمي يابـنت الاجواد مالاق
مالاق لك غير العرش منزلك فوق

بنت الرجال اللي طوال(ن) بالاعناق
مكـرمـين الضيف ورعـود وبـروق

بنت الرجال اللي يفكون الارقاب
مـرجعـين الحـق للي له حـقوق

ودعتها والدمع في عيـنها انـسـاق
وهلت لي العبره وشبت بي حروق

قلـت اسعـدك ربي مع كل مـشراق
وسامحك ربي ياعديم(ن) من الذوق

ياللي سـرقت الغاليه وانـت سـراق
تسرق قليب(ن) له على العشق طاروق

رحلت مع ورق(ن) يـغرد بالاوراق
هيض شجوني واصبح العمر مسروق

واظلمت دنياي والكون بي ضاق
لابكـاء ينفع ولا صوت مخـنوق

ياهلي قلبي ضعيف(ن) ولاطاق
اصفقوا مجنونكم سـبعة طروق

يمكن يلاقي له علاج(ن) بالاطراق
وظـني على حالته مايـنفع صـفوق

طـبه يعرفـه كـل عاشـق وذواق
من ذاق طعم الحب من تحته لفوق

طبه فيافي نـجد ماهو بالـعراق
ولاعاد به فرحه ولا قلب بيفوق

حلفت مانساك وعلى العهد لك باق
يالعـنبو عين(ن) لـك الدمع ماتـسوق



http://www.alsarg3h.com/vb/images/avatars/sadangel.jpg

[ملكة العقارب]

يسلموووووووو يالغالي
الله يعطيك العافية

[أميـ الغرااام ـرة]

يسلموووووووووووووو
الله يعطيك العافيه