المساعد الشخصي الرقمي

مشاهدة نسخة كاملة : ازعل ولا ترضى جديد وعد منساك ( قصيده )

وعد منساك
11-07-2003, 10:08
بسم الله الرحمن الرحيم


ياللي زعل تزعل و لاني مراضيك
اشرب كدر ماي البحر كانها ارضاك
لا تحسبني عقب صدك بداريك
بعز نفسي عنك مدراك مدراك
بعد هالسنين وانا متحمل تغليك
راضي بتعذيبك لجل قلب اغلاك
وخليتني و اليوم و الله لا يخليك
ادوس قلبي لينه يقول خلاك
كانك تحداني انا اقبل تحديك
وانسى الغرام اللي مضى و اتحداك
ماني بقايل لك عسى الله يهنيك
الله يحرمك كل ما كان هناك
عسى العمى يا خاين العهد يعميك
فوق الغرور اللي عن الماضي اعماك
عساك ما تسمع صوت قريب يناديك
حيثك تجاهلت صوت محروم ناداك
وعسى الشلل يعوق رجل تمشيك
حتى تتندم ليش غيرت ممشاك
عسى الليالي اللي تجيني بطاريك
يصبح عليها الصبح و تموت طرياك
و عسى المنام و كل راحه تجافيك
و امك تشق الثوب من عظم بلواك
واذا مت جعلك في جهنم تصاليك
نار الجحيم و نار دنياك تصلاك
الله يكره فيك كل دوانيك
غشاش خاين من؟ من الناس داناك
روح و الله يجازيك
امسك و يومك و عقب الغد يجزاك


هذه الابيات لطلال السعيد واعجبني فيها قوة الكلمات لدى الشاعر فقلت يجب ان تشاركوني في تذوق حلاوتها


اخوكم ...
وعــــد منســــاك ...
وليــد الشرقيه
11-07-2003, 10:26
كلاا111م حلووو اخووي

يعطيك الف عافيه اخوي وعد

;)
عصفورة الساحات
11-07-2003, 10:31
وعد منساك الله يهديك

... ... ... وش هالقسوه بدعاك

ليه الكره الحين يمليك

... ... ... مع اللي كان لك هواك

باكر الايام تنسيك

... ... ... اللي في يوم نسى غلاك

وبيرجع لك وهو يرجيك

... ... ... وباحلامه دوم يتمناك

وانا اقولك الله يخليك

... ... ... انسى اللي قدر في يوم ينساك

======================================

الف شكر وعودي على النقل

وانا رديت على اساس ان الابيات انت اللي كاتبها وارجو انك تقبل ردي

وتحياتي

العصفوره

;)
!لـحـ عـنـاد ـظـة!
12-07-2003, 01:50
هذه السطور000

يجب ات تكتب في ديوان العاشقين00

يجب ان تخلق النجوم مكانا بينها00

لان من سطر تلك الكلمات00

كانه كتبها لنا بدم قلبه00

************************************************** *******************************

وياريت ينتقل الموضوع الا منتدى

همس القوافي والشعر

وتقل تحياتي
يسوري
12-07-2003, 01:54
مشكور اخوي وعد منساك على الكلام الرائع الذي تكتبه لنا
حقا انك شاعر واتمنى لك المزيد اخوي
وعد منساك
12-07-2003, 02:53
رحــ العمــر ــال
يعطيك العافيه اخوي بس مو انا كاتب الابيات وذكرت هذا الشي ومشكور على مرورك

!لـحـ عـنـاد ـظـة!
يعطيك العافيه على مرورك وياليت والله ينقولها لمكانها الصحيح وانا اسف اذا كنت غلطان بكتابتي في هذا المكان

يسوري
هلا وغلا في يسوري وانا عارف ليه عجبتك الابيات ههههههههههههه لان فيها قسوة بعض الشي على المحبوبه وانت تحب دائم ان تكون ضد النوعيه هذه من الاشعار والابيات يا قلبي ليست لي بل للشاعر طلال السعيد وقد ذكرت ذالك الشيء في المشاركه


عصفورة الساحات
مو مشكله ارد عليك بابيات مثلها اذا اردتي

ابياتي تفضحني وما تخفى عليك
..................................... تفضحني كلماتي ولو قلت ما هواك
وان مر اسمك بقسوه او هل عليك
................................. وقلت اني نسيتك صدقني منساك
ولاارتجي من ايامي ولا اقبل سواك
......................................وان كنت انا اشره فذا من غلاك
يحول بيني وبينك شر فرقاك
...................................... وان اعتذر وقتي ناديت برضاك

وصح لسانك يا غاليه والله يرحم والدينك انا تارك الشعر من سنتين واتمنى انك تساعديني وتقبلين بهذي الابيات واللي حمسني ارد هو كلماتك المبدعه والغاليه لى قلبي

اخوكم ...
وعد منساك ...
عصفورة الساحات
14-07-2003, 11:49
حسيت بحروفك وهي تبكيك

... ... ... ... ... من شقى فراق احبابك

وحروفي اليوم بحساسها تناديك

... ... ... ... ... يا فلان اصبر على ما صابك

جيت انا اليوم اواسيك

... ... ... ... ... ليتني اقدر اخفف عذابك

وكل الحنان مني بعطيك

... ... ... ... ... لين الفرحه تدق بابك

=================================================

الف شكر مبدع الشعر وعد منساك

ويا ريت ما تترك الشعر لانك مبدع فيه

تحياتي

العصفوره

;)
الهاجس
14-07-2003, 12:35
يعطيك العافية وعد منساك على هالكلمات والله غاية في الروعة lf6l







تحياتي لك ولا تحرمنا من جديدك |u4|
وعد منساك
14-07-2003, 04:01
الهاجس
يعطيك الف عافيه حبيب قلبي على المشاركه ومشكور على مرورك


عصفورة الساحات

لو كتبتي الشعر تلقينه يلهيــــــــك
............................. ويذكرك بقلبن حبك والهــــــــاك
وانا الشعر همي ان ما ذكر طاريك
............................ وازعل على نفسي لنسيت طرياك
عصفورة الساحات لاجل الله اراضيك
........................... واذا تبين همي للشعر اقول جــاك

_____________________
عصفورة الساحات
الشعر ما تركته الا لانه يزيد من همومي ومتاعبي وما القى فيه متنفس لمتاعبي ما اعرف ليه بس اعتقد اني عكس الناس لاني اول قصيده كتبتها كتبتها في معشوقتي وصارت كل قصيده اكتبها تذكرني فيها والقلب غدى خالي وش لي بهموم الشعر علشان اذكرها المهم انا تركت الشعر لهذا السبب والسبب الثاني انه طلبت مني اختي ان اترك الشعر لانه هو سبب متاعبي النفسيه وهي اهمها مع العلم ان اختي دكتوره نفسانيه يمكن اني حسيت براحه لاكن ترادني بين فتره وفتره اكتب فيها خاطره وهذا ما يصبرني على ترك الشعر

اذا كنت ترين انه من الافضل ان اعود للشعر بعد كل هذا الكلام فقولي لي وما اعتقد اني ساقتنع
مشكور على المرور وصدقيني قد وجدت متنفسا افضل من الشعر الا وهو المنتدى وقد سخرت وقتي لاسهم مع زملائي الاعضاء لاثراء المنتدى باروع المشاركات

اخوك ...
وعد منساك ...
اشواق
14-07-2003, 05:28
[ALIGN=center]مشكور وعد منساك على الابيات


بس وايد قاسية حتى لو كان الصد من الحبيب والتغلي الي يحب مستحيل يترك حبيبية او يتخلى عنة


وشاكرة لك 000


[/CENTER]
وعد منساك
15-07-2003, 01:51
اشواق
اختي الغاليه القلب عمره ما قسى الا من زود ما شافه
اذا كنتي تقصدين الابيات الاولى واللي هي لطلال السعيد فانا الصراحه معجب فيها ويمكن تعبر عن شي في خاطري القسوه شي كبير يمكن ما يفهمه الا اللي مجربه اتمنى انه يكون الشاعر بالغ في وصف الحاله اللي فيها بس انا مقتنع بوجود هذا الشي في الواقع واعتقد انه الكلام اللي قاله واقع مو خيال يمكن يوصف احد معين وما يوصف حالته على العموم مشكور اشواق على المرور

اخوك ...
وعد منساك ...