ابي راايكم بصراحة:::: مو لعب عياال:::::لؤلؤة

[~*®§§§]§[الـحـ§ــزيـ§ــن]§[§§§®*~]

[ALIGN=LEFT]لعب عيال


هنا نجلس احسن او هنا وين ما تبغين

انا احب هذا الركن لكن على اية حال

هنا احسن ارمي معطف الفرو للتخمين

وفيه تعرفين ان انا احب هذا الشال

علامك علا مك!!! ساكته ليه ما تحكين؟

تبين ابتدي حاضر على امرك براحة بال

على نفس هذه الطاوله من ثلاث سنين

رمت بنت دبلتها الذهب وانكسر رجال

تمسك بها حــــــــــــاول وحاول لـــيــن

بلا لين كان يحاول بكافة الاشكال

وشدت يديها وارتفع صوتها وبعدين

انا لازم امشي وانت يكفيك لعب عيال

على احر من قلب انهدم حاول المسكين

وعلى اقل من مهل الندم باعدت تختال

هنا مات حب ويبس قلب وتملت عين

من الملح واندفنت حكاية فرح وامال

وجيتي تبين نرجع للي مضى الحين

انا من ثلاث سنين بطلت لعب عيال



فهد عافت[/CENTER]

[~*®§§§]§[الـحـ§ــزيـ§ــن]§[§§§®*~]

[ALIGN=LEFT][ALIGN=LEFT]من مليون ورقة


يا علي لا الشعر عبدي ولا هو سيدي
صاحبي...له من جنوني ولي من منطقه
ما يخون الطيش والملح ياكود الردي
له علي ماسبقني على الطيب اسبقه
والله اني من عرفته وانا ابشر بسعدي
كل حزن يفتح ابواب حسن مغلقه
والله اني ما ذخرت لمعانيه جهدي
ذمني ولا مدحني من يقول سرقه
اعشق من الشعر كله عيوني ورمدي
واعشق من الكل بعضي اذا الصمت نطقه
واعشق من الليل الاظلم واشوف السرمدي
قدر قرم بيض الله وجه بصنقه
واعشق من الصبح الاكسل نسيم وفي يدي
دفتر يهدي العصافير لحظه مورقه
واعشق من الصحبه ام البساط الاحمدي
لا تهيت واعشق من العسل طلبه ذقه
واعشق من الوقت وقتي لا ابوي ولا ولدي
واعشق من الناس كل على قد عرقه
يا علي والشعر عبدي وعبدي سيدي
اعمق الشعر ابسط الشعر وابسطه اعمقه
في الحنايا خيل ترمح وخيال يحدي
وفي المرايا الف بحرا يتلعثم بازرقه
يا كثر ماذكر من الناس لاصرت وحدي
من نسوني ونسوني بكذب ماصدقه
كلي وعدا مع الي يخونون وعدي
البناخي بعض طيب اقهره بل خلقه
لو تهيا للطريا سويا ماغدي
مزبن الذهيب ممراح خاينت الثقه
يقلب النسيان الامعط بروحي ويعدي
كل ليله في فياضي الله يرزقه
السهر ماهوب هذا السهر لا يابعدي
السهر شفني تعرفه وشفني تزهقه
كل جفن من جفوني غدى بيت اجودي
لا تقضب فيه عبداً من الليل اعتقه
ليت لي قدرة على الثار تكفى ياسندي
من حبيب طشر القلب مليون ورقه
ما رماني خطره لجل يرضيني ودي
ليش انا الفرقا هنيا في مركا بندقه
وانتهى مستسهل سهيل يستجدل جدي
مابقى غير اليباس بعيون مغورقهه
كم تكحل عاذلي وانعمى من مرودي
يوم قال العين بالعين ما والله وفقه
قلت والله دام قفى وظليت وحدي
لتركه في داخل القلب محداً بشنقه
يا علي كلي نهايات من وين ابتدي
يا علي كله بدايات من وين اعشقه
له عيون ولي ظلالي بها لين اهتدي
ولي عيون وله عليه البكى لين اغرقه


فهد عافت
[/CENTER][/CENTER]