بعــ الهقاوي ـــيد
09-06-2003, 02:29
اخواني اخواتي في منتدى همس القوافي اشارك بهذه القصيده وعسا ان
تنال على رضاكم وهي مغايره عن القصائد السابقه المتطرقه للغزل
بذكر الله قبل ما قول المعاني @@@@ في رجا اللي من يعبده خاشعٍ له
في رجاه انه على الصح يهداني @@@@ لجل قول الحق مثلي ما يزله
والعن الشيطان بالله المستعاني @@@@ تحت ظل اللي كسى الاجواد ظله
فزعتي به يوم هاجوسي دعاني @@@@ بأمر رب وتحت حكمٍ ما نمله
وجاء لعسر القاف بالصدر صفقاني @@@@ مثل صفق الموج جالٍ راسيٍ له
وأقبلت شرد المثايل في ثواني @@@@ والقلم حبره على الاراق هله
والمشاعر احضرت واللعب زاني @@@@ زان عسف القاف في وقته وحله
وإن بغيت القاف عسره ما عصاني @@@@ وإن فتلت البيت يتعب من يحله
وقد خذيت من التجارب ما كفاني @@@@ والسنع ما نيب ادور من يدله
وإن رقص لي خصم بيزيد هبداني @@@@ لين أزيد الغل بكبودٍ مغله
في زمان الفين واحد لي بياني @@@@ بذكر التاريخ وانشر بالمجله
تابعوها يا الفهيمين الذهاني @@@@ وأستدلوا يا عوارف بالادله
وميزوا بين الهزال من السماني @@@@ وصفها مثل الهضاب المستقله
المراجل ما تهيا بالهواني @@@@ من نطحها ناطحٍ له حد سله
الردي منها تجي عشره ثماني @@@@ والسنافي لرتكا للحمل شله
وحزة اللازم يبين المغلطاني @@@@ لو يدين الرجل من ماله مقله
والفخر للي لهم قدرٍ وشاني @@@@ والثنا للي يدير الكون كله
وفيه هيل وفيه بن وزعفراين @@@@ والشحم والعود مع فنجال دله
من يميني لطويلين اليماني @@@@ صوب راعيه اسوقه يوم ازله
مع تراحيب الفؤاد المعشراني @@@@ مادخله شكوك بأهل الطيب لله
وفيه لوم وفيه شرهه وسفهاني @@@@ والردي يلقا رداه بشاربٍ له
فيه لومٍ طامينٍ وجه لهداني @@@@ مثل ما يطمي سواد الليل تله
وأنت يا اللي بالعلوم مريبحاني @@@@ من عضا الخنزير يلقا شاهدٍ له
وشرهتي تنصا الحصان ابن الحصاني @@@@ والعثابر كلها خلها مزله
وأصهلي يا حصن بالصوت صهلاني @@@@ خطر أهل الطيب دايم مسفهله
ودي اذكر بالمعاني وش حداني @@@@ حدني ناسٍ بها غيره وخله
والخطاء جاء من سنع قاصي وداني @@@@ مثل ابو وجهين واللي تابعٍ له
وفعل ابو وجهين كله ما خفاني @@@@ ماخفاني سيرته مع شين دله
مهذبان لسان قلبٍ قلباني @@@@ كل يومٍ له على مذهب ومله
وقالوا انه حر وصبح بغبغاني @@@@ مثل جرباً جللوها بالاجله
وارفعوها من مكان اليا مكاني @@@@ شلةٍ باخر زمنها مستشله
عقب اللي ما حشم ربع وعواني @@@@ الشرف لي يوم ما جلس في محله
عارفٍ بين العوارف لي مكاني @@@@ يا صحيب العي لا جيته فقله
ما نحول من بيان اليا طماني @@@@ النفوس عزاز ما ترضى المذله
والذيابه ما تخضع للحصاني @@@@ عقب اللي ما يقوم بواجبٍ له
وصلوا علمه مدام العلم باني @@@@ حاشمٍ ربعه ولابه حشمةٍ له
ولا نصيته بالخطا حتى نصاني @@@@ علوم ربعه تراها عادةٍ له
قبل اقول افلان وفلان الفلاني @@@@ وكل فعل وكل مكتوبٍ نفله
والرفيق ان كان نفعه ما شفاني @@@@ والله ان اموت مرجي نفعةٍ له
كان من لي لا حما ولا عطاني @@@@ واجبي باقوم به والهون خله
والله اني ما تمناها تماني @@@@ غير ابي النايم يصحي نومةٍ له
يا محمد شاب راسي في زماني @@@@ كل ما عالجت عله جات عله
عقب غاب الجدي وسهيل اليماني @@@@ ويش رايك بالنجوم اللي مطله
شايفين وسامعينٍ بالاذاني @@@@ كم وندمح زلةٍ في ساق زله
وجاك مثل اللي من الاصحاب جاني @@@@ ما خفاني دق ما ضوعك وجله
جرجروها مثل جرجار السواني @@@@ مانجحوها بالكليل بجوف مله
وإن رجعنا للعمل كنا وكاني @@@@ عاقبونا بالعمل قومٍ مهله
واعذاب اللي دوامه بالمواني @@@@ وإن بغا المنهاج منها ما حصله
وإن طلع له يوم داوم يوم ثاني @@@@ وإن حصل تاخير سجل في سجله
ويا محمد ما على الدنيا ضماني @@@@ كم وفيٍ ما تهيت عشقةٍ له
وفي ختام القول بالله المستعاني @@@@ تحت ظل اللي كسى الاجواد ظله
وسلامتكم
تنال على رضاكم وهي مغايره عن القصائد السابقه المتطرقه للغزل
بذكر الله قبل ما قول المعاني @@@@ في رجا اللي من يعبده خاشعٍ له
في رجاه انه على الصح يهداني @@@@ لجل قول الحق مثلي ما يزله
والعن الشيطان بالله المستعاني @@@@ تحت ظل اللي كسى الاجواد ظله
فزعتي به يوم هاجوسي دعاني @@@@ بأمر رب وتحت حكمٍ ما نمله
وجاء لعسر القاف بالصدر صفقاني @@@@ مثل صفق الموج جالٍ راسيٍ له
وأقبلت شرد المثايل في ثواني @@@@ والقلم حبره على الاراق هله
والمشاعر احضرت واللعب زاني @@@@ زان عسف القاف في وقته وحله
وإن بغيت القاف عسره ما عصاني @@@@ وإن فتلت البيت يتعب من يحله
وقد خذيت من التجارب ما كفاني @@@@ والسنع ما نيب ادور من يدله
وإن رقص لي خصم بيزيد هبداني @@@@ لين أزيد الغل بكبودٍ مغله
في زمان الفين واحد لي بياني @@@@ بذكر التاريخ وانشر بالمجله
تابعوها يا الفهيمين الذهاني @@@@ وأستدلوا يا عوارف بالادله
وميزوا بين الهزال من السماني @@@@ وصفها مثل الهضاب المستقله
المراجل ما تهيا بالهواني @@@@ من نطحها ناطحٍ له حد سله
الردي منها تجي عشره ثماني @@@@ والسنافي لرتكا للحمل شله
وحزة اللازم يبين المغلطاني @@@@ لو يدين الرجل من ماله مقله
والفخر للي لهم قدرٍ وشاني @@@@ والثنا للي يدير الكون كله
وفيه هيل وفيه بن وزعفراين @@@@ والشحم والعود مع فنجال دله
من يميني لطويلين اليماني @@@@ صوب راعيه اسوقه يوم ازله
مع تراحيب الفؤاد المعشراني @@@@ مادخله شكوك بأهل الطيب لله
وفيه لوم وفيه شرهه وسفهاني @@@@ والردي يلقا رداه بشاربٍ له
فيه لومٍ طامينٍ وجه لهداني @@@@ مثل ما يطمي سواد الليل تله
وأنت يا اللي بالعلوم مريبحاني @@@@ من عضا الخنزير يلقا شاهدٍ له
وشرهتي تنصا الحصان ابن الحصاني @@@@ والعثابر كلها خلها مزله
وأصهلي يا حصن بالصوت صهلاني @@@@ خطر أهل الطيب دايم مسفهله
ودي اذكر بالمعاني وش حداني @@@@ حدني ناسٍ بها غيره وخله
والخطاء جاء من سنع قاصي وداني @@@@ مثل ابو وجهين واللي تابعٍ له
وفعل ابو وجهين كله ما خفاني @@@@ ماخفاني سيرته مع شين دله
مهذبان لسان قلبٍ قلباني @@@@ كل يومٍ له على مذهب ومله
وقالوا انه حر وصبح بغبغاني @@@@ مثل جرباً جللوها بالاجله
وارفعوها من مكان اليا مكاني @@@@ شلةٍ باخر زمنها مستشله
عقب اللي ما حشم ربع وعواني @@@@ الشرف لي يوم ما جلس في محله
عارفٍ بين العوارف لي مكاني @@@@ يا صحيب العي لا جيته فقله
ما نحول من بيان اليا طماني @@@@ النفوس عزاز ما ترضى المذله
والذيابه ما تخضع للحصاني @@@@ عقب اللي ما يقوم بواجبٍ له
وصلوا علمه مدام العلم باني @@@@ حاشمٍ ربعه ولابه حشمةٍ له
ولا نصيته بالخطا حتى نصاني @@@@ علوم ربعه تراها عادةٍ له
قبل اقول افلان وفلان الفلاني @@@@ وكل فعل وكل مكتوبٍ نفله
والرفيق ان كان نفعه ما شفاني @@@@ والله ان اموت مرجي نفعةٍ له
كان من لي لا حما ولا عطاني @@@@ واجبي باقوم به والهون خله
والله اني ما تمناها تماني @@@@ غير ابي النايم يصحي نومةٍ له
يا محمد شاب راسي في زماني @@@@ كل ما عالجت عله جات عله
عقب غاب الجدي وسهيل اليماني @@@@ ويش رايك بالنجوم اللي مطله
شايفين وسامعينٍ بالاذاني @@@@ كم وندمح زلةٍ في ساق زله
وجاك مثل اللي من الاصحاب جاني @@@@ ما خفاني دق ما ضوعك وجله
جرجروها مثل جرجار السواني @@@@ مانجحوها بالكليل بجوف مله
وإن رجعنا للعمل كنا وكاني @@@@ عاقبونا بالعمل قومٍ مهله
واعذاب اللي دوامه بالمواني @@@@ وإن بغا المنهاج منها ما حصله
وإن طلع له يوم داوم يوم ثاني @@@@ وإن حصل تاخير سجل في سجله
ويا محمد ما على الدنيا ضماني @@@@ كم وفيٍ ما تهيت عشقةٍ له
وفي ختام القول بالله المستعاني @@@@ تحت ظل اللي كسى الاجواد ظله
وسلامتكم