ما هي نقاط ضعفك ...؟ وهل عالجتها ...؟

[وعد منساك]

بسم الله الرحمن الرحيم

لكل إنسان نقطت ضعف قد تكون نتيجة مواقف أو ظروف وقد تكون خوف في الإنسان. ومنها الخوف عند الأوقات الحازمة والتي تحتم عليه بأتخاذ قرار فيرتبك ويفقد صوابه ولا يعلم ماذا يفعل فيقرر الفرار.. أو قد تكون الخوف من الأماكن الشاهق المرتفعة... وهناك العديد من الأمثلة التي تدل على نقاط الضعف لدى الإنسان..

السؤال هو

ما هي نقاط ضعفك؟ وهل تسبب مضايقة لك ولمن حولك؟

هل فكرة في التخلص منها؟ وكيف؟

اخوكم ...
وعــــد منســــاك ...

[!حنين!]

اولان مشكوووووووووور اومشكووووووووووره لاني ماادري ولد والابنت على العموم الموضوع شيق وجميل وانانقاط ضعفي هي اولا.. طيبة القلب الزئده عن الحد مررررررررررره وهذا مومدح غفيني بلعكس طيبة القلب في الزمن هذا ماتنفع واضربلك مثال مره اطلبت مني وحده في السوق الجوال ورحمتها وعطيتها جوالي تدق منه اخته وكلمت وبعدها رجعته لي تتوقع وش صار طلعت اول شي مكلمه مكالمه دوليه ثاني شي الله يسامحها معطيه رقمي لغيرها وامسكى يجوال ازعاج ودق كل شوي شباب الارقام تختلف طبعا بتقول وش دراك اقولك كلمني واحد وقال انامن طرف اللسي عطيتها جوالك في السوق قلت انا مااعرفها عشان تصير من طرفي قال الاوغيره ونشب في حلقي.
المهم مااطول غير طيبة قلبي لان في مواقف اكثر من كذا هناك نقطة ضعف فيني واهي الخوف من الظلام مررررررررررررررره يعني مانام الاوالنور مولع وحاولت اعلج هذي المشكله الااني ماقدرت وطلع عندي رهاي اجتماعي
بس الاالان لااستطيع النوم في الظلام.

[شــــ الورد ــــذى]

مشكووور على طرحك المووووضع


وكل انساان اكيد عنده نقااط ضعف

وانا نقااط ضعفى الدمموووع:o

ماتحمل احد يبكى حتى لو عدوى


يعطك العافيه


شذوووو

[وعد منساك]

اختى حنين مشكلتك مع اللي عطيتيها الجوال على كثر ما ضحكتني على كثر ما حزنتني

ضحكتني يوم قلتي دوليه هههههههههههههه

وحزنتني على حال بعض البنات واللي هم قليل والحمد لله من نوعية هذي البنت بس اتمنى ان هذي المشكله زالت وما قام الجوال يدق عليك بارقام غريبه عن طريق هذي البنت ما اقول الا الله يكفيك شرها والله

بالنسبه لنقطة ضعفك فقولي الحمد لله انا من النوع اللي اخاف انام لوحدي بغرفه لو النور مولع مو مطفى بعد هههههههههه

على العموم اتكلي على رب العالمين وسمي بالله ولا تخافين وتذكري ظلمة القبر يوم تكونين بوحدك لا لمبه تنفعك ولا ليت ( حلوه ليت ) يوم انك تتحاسبين عند ملكين من الملائكه هذي الظلمه اللي ينخاف منها اختي حنين

مشكوره اختي حنين على مرورك

[وعد منساك]

شــــ الورد ــــذى

الدموع شي صعب على الانسان انه يشوف غيره يبكي قدامه

واذا كنتي من النوع اللي حتى عدوك تزعلين اذا شفتي دمعته فهذا معناه انك حساسه ورقيقه فعلا لكن اتمنى انك تتخلصين من هذا العيب لان هذا يبين ضعفك للناس وراح تستغلها في حاجات ممكن تضرك

اتمنى لك التوفيق اختي شدى الورد بس بالذمه مو كاني مشرف اجتماعي ههههههههههه

اخوكم ...
وعــــد منســــاك ...

[المجهول]

يعطيك العافيه على طرح الموضوع الجميل


انا نقطة ضعفي الوحيده أخواني ما اتحمل عليهم شي

وما اتمنى تروح النقطه هذى .


مع خالص تحياتي وتقديري ,,,
المجهول

[وعد منساك]

اخوي حبيب قلبي مجهول

والله هذي ميزه اتمناها في كل من احبه واقدره

يعني وش احلى شي في هذي الدنيا اذا صار قلبك على قلب اخوانك وانا ما اعتبرها عيب وربي ما شالله عليك

الله يرزقنى منها ان شالله هههههههههههه

والله احسدك بس حسد واحد يحبك

الله يخلي لك اخوانك اخوي مجهول

اخوك ...
وعــــد منســــاك ...

[بنت الدموع]

موضوع حلو يعطيك ربي العافيه اخوي وعد منساك

انا عن نفسي فيني اكثر من نقطة ضعف

وانا ما راح اقول اني حنونه والا اني طيبة قلب لاااااااااا

هذي اعتبرها يعني نقاط ضعف بس محببه في الانسان

انا من يمكن من نقاط ضعفي ان اذا احد جرحني ما انسى له

انا ما احقد بس اظل شايله بقلبي وهذا عيبي رغم اني ما اكره

بس ملامحي تفضحني

يعني لابد اني اتغير على الشخص اللي جرحني حتى لو اعتذر مني

وما يهمني الاعتذار وكلمة اسف ما ترضيني حتى لو قلت مالها داعي

لان الشخص اذا اثر في نفسه شي يترك اثر .. احس من الصعب انه يتداوى ..

يعني عيبي اني اظل شايله بقلبي على شخص جرحني .......

وفي هذه اللحظات الجأ الى المجاملات

<<<<<< لا تقولون بنت الدموع شينه وربي انها طيبة قلب xx2

تسلم اخوي ويعطيك العافيه

تحياتي
بنت الدموع

[نانسي]

يسلموووووو على الموضوع:mad:

بصراحة موضوعك يستاهل الرد والنقاش

يعطيكى العافية علية :rolleyes:

اما نقط ضعفى :o

اة بس اة :o

انى طيبة زيادة عن اللازم فى زمن انعدمت فية الطيبة والاحساس:o

وللاسف اشوف الناس تظلمنى ومقدر ارد استحى واموت قهر وابكى واجلس شهر ما انام من القهر والمشكلة اخاف ارد على الظالم يقلبون السالفة على وبعدين انا اشوف

ان خذيت حقى اطلع غلطانة

وان سكتت بعد غلطانة


(( لو ان حالى حال الخشب على النار لما صبر ويش صبرك يا خشب على النار لوما القدر )):o

ننتظر جديدك عزيزتى

مع تحياتى // نانا:o

[وعد منساك]

بنت الدموع

موضوعك يبيلك تعرضين نفسك على دكتور نفساني <<--- قام يتفلسف مع خشته هههههههه

المهم الصراحه هذا يا غاليه ماله الا اسم واحد وما تزعلين من كلمتي اذا قالت لك هذا اسمه عدوانيه
كلمة اسف هذي لها معنى كبير من الصعب ان انسان يعتذر عن شي سواه الا وهو في نقطت ضعف واذا كنتي طيبه زي ما تقولن تغفرين له
انا عندي لك حل قدوتنا الرسول الكريم كم من الاحاديث ذكر فيها اعرابي غلط على الرسول( مع العلم ان الاعراب من اغلظ البشر ايام الرسول ) وكان الرسول حليما معهم ؟ كم من مره الرسول سامح اصحابه؟
رب العزه والجلالغفر لايوب خطيئته وكلنا نعرف قصته سامح يوسف على نسيانه بعد ان توسل الا رب غيره
والصحابه والتابعين
تذكري اختي دائم عندما تغضبين على احد ويأتي للاعتذار تذكر سيد البشر محمد وكيف كان يغفر الزلات ومن نحن امام محمد صلى الله عليه وسلم تذكري هذا وستعالجين نقطة ضعفك ولا تزعلين اذا قسيت عليك بالكلام ففي بعض الشده كثير من الفائده

اخوك ...
وعد منساك ...

[وعد منساك]

نانسي وش فيك معصبه ههههههههههه
المهم اعتقد ان نقطة ضعفك فيها من الزين والشين

الزين شي طيب لمن يكون الانسان فيه من الطيبه
والشين انك طيبه زياده عن اللزوم لان الانسان مهما كان طيب لا بد من الحرص لان مو كل شي ياخذ بالطيبه حاولي انك تكونين حذره حتى مع اصدقاءك في كل شي فالنفس اماره بالسوء

اذا كنت تحذر عدوك مره فحذره الف مره

ومن العداوة ما ينالك نفعه ومن الصداقة ما يضر ويؤلم

اخوك ...
وعد منساك ...

[BsbOoOsah]

احم

سلام

اول شي ودي اقول انه طيبة القلب ماهي عيب وعمرها مابتكون عيب

انا اعاني منها واني اسامح حتى اللي يغلطون علي بغلط ماينغفر لكن انا اشوفها ميزه مو عيب :confused:

اما الدمووع شذووو الله يعينك انا بعد تفشلني دااااااااااايم

حتى مره كنت بمجلس وقامت وحده من الجالسين غلطت على الثانيه انا مالت علي بكيت :o

مادري ايش بكاني ساعتها تمنيت الارض تنشق وتبلعني :o


لكن اللي احس انه صدق عيب فيني وودي اتخلص منه ياكثرها خذوا

اولا العناااااد يوووه شكثر راسي يابس واذا عندت ماعرف حتى امي وابوي

لكن الحمدلله احس انه حدة العناد عندي خفت شوي :D

وثانياااا العصبيييه

اسرع ماتنرفز انا لكن على طووووول اهدا الحمدلله بس

وثالثا هذا العيب اللي قاتلني انه عندي لامبالاه فززززززززيعه

يعني تخيلون احيان ادخل اختبارات نهائيه بدون مافتح الكتاب :o



<-- فضفضت وطلعت كل الي بقلبها

بس اهااااااااااااااااا


لاحد يقول الله يعين اهلك عليك :o


صح نسيت يسلمووووووو وعد مانساك على الموضوع تراه حلووو ورايق وخلاني اطلع اللي بقلبي <-- ليه بقاله هو :p

لول

تحياتي لكم

[وعد منساك]

BsbOoOsah
ههههههههههههههه والله ضحكت لين جا صاحب المقهى اللي انا فيه يقولي وش هذا الازعاج على كلمتك ( حتى مره كنت بمجلس وقامت وحده من الجالسين غلطت على الثانيه انا مالت علي بكيت )
وربي انك عاطفيه زياده عن اللزوم هي صحيح محرجه بس الصراحه تضحك في نفس الوقت بالله جاوبيني الحين اذا تذكرتني الموقف ما تضحكين على نفسك ههههههه اعذريني والله ما اقدر اكتم الضحكه بس عندي حل حاولي اذا صار لك موقف مثل هذا انك تواجهينه باشغال تفكيرك بشي ثاني اي شي خارج الموضوع سوى نفسك ما تدرين وش الطبخه هههههه يعني تذكري موقف صار لك مضحك وقوليه للموجودين بالعربي صفي الجو وكوني اقوى من الموقف

اما حكاية العناد تذكري دايما ان الدنيا ما تدوم لاحد خذي منها ما تبين وعطي غيرك يعني مره لك ومره لغيرك تعاوني مع الناس رخي حالك بالعربي

الانسان احساس مشاعر اذا قابلتي الانسان بعدم مبالاه هذي قوة الغرور انا عندي لك نصيحه حاولي تكونين متواضعه حتى لو تصنعتي هذا الشي خلي قلبك اكبر منك حتى لو انك ما تبين اغصبي نفسك اهتمي بكل الناس شوفي اي واحد قدم لك مساعده حطيه بالقائمه انه هو اولى من غيره والله مدري وش اخربط بس هذا عيب من جد مزعج حاولي تشتشيرين اللي اكبر منك يساعدك اما انا ما ودي اتكلم في مثل هذا الموضوع الصراحه واعذريني

مشكور على المرور

اخوك ...
وعد منساك ...

[BsbOoOsah]

شكرا اخوي وعد مانساك على النصايح
شكلك فتحت مكتب مشرف اجتماعي هنا :eek:


بس انت فهمت غلط انا ماقصد عدم المبالاه بتصرفي مع الناس انا اقصد الامبالاه في اموري انا مثل دراستي يعني ماهتم فيها ابدااااااااا حتى لو كنت ابغى اهتم
شعور الامبالاه بمستقبلي هذا اللي قصدته مو في تعاملي مع الناس


للتوضيح فقط

تحياتي ;)

[وعد منساك]

مشكوووووور على التوضيح اختي BsbOoOsah واقولك اتركي الدلع عنك وشدي حيلك بس اتركي اللامبالاه عنك l210l
تراني امزح لا تاخذين بخاطركl208l
المهم شوفي من راح يفيدك في هذي الدنيا غير اهلك ما اعتقد فيه احدغيرهم lf3l
البني ادم وش اللي يخليه ينجح في حياته غير انه راسم في باله هدف معين واذا ما كان له هدف راح تكون حياته طقها والحقها صح lf6l
اهلك اذا شافو انك ما عندك هدف في الحياه اقصد عدم مبالاه في الدراسه الاصراف في اللعب على قلة الفائده ما راح يحاسبونك احيانا وبتصيرين بالنسبه لهم عديمة اهميه يعني مهمشه تعرفين ليه
لانهم شايفين انتي منتى مهتمه بمصلحتك ليه هم يهتمون بواحد ما تهمه مصلحته
والبني ادم ما يحب يكون مهمش في اي شي واعتقد انه هذا هو رايك برضو صح lf6l
على العموم حطي نصب عينيك انك ترسمين هدف في حياتك علشان توصلينه لا تجعلي من نفسك بنت صوريه بس يعني بس تفكرين متى تخلص دراستك وبعدها تتزوجين وتعيشين في بيتك مع زوجك وتربين عيالك ما اعتقد انه هذا هو اماني بنات جيلنا ولا تنسين ان حنا في عام 2003 وقريبين من عام 2004 ونحن بحاجه الي نساء مثقفات في مجتمعنا لتساعد الرجل في رفع مستى بلادنا الثقافيه والاجتماعيه و حتى السياسه يعني الزمن تطور واذا كل فتاه كان حلمها فقط انها تكبر وتتزوج وتربي عيالها بس فاقول على بناتنا السلام يعني وظيفتكم بس الانجاب واعتقد هذا الكلام يزعجك ويزعج كل بنات جيلك واتمنى من قلبي ان كل بناتنا تضع امام عينها حلم لازم انها تحققه ومو معناة هذا انها تنسى وظيفتها الاساسيه انها مراءه فبالعكس الزواج يساعد في تحقيق اي حلم فالزواج هو الاستقرار والاستقرار يحقق الاحلام ادري اني طولت في كلامي بس شسوي اذا مسكت خط وتعمقت في مسأله انسى نفسي ههههه

وبالنسبه لمكتب مشرف اجتماعي الله يسمع منك BsbOoOsah لاني والله ودي بس مشكله الاجارات غاليه بالنت ههههههه

اخوك ...
وعد منساك ...

[prinse sam]

هههههههههههههههههههههههههههههههههههههههههههههههههه هههههههه
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههه
ههههههههههههههههههههههههههههههههههههههههه بطني بطني هههههه
هههههههههههههههههههه خلاص وربي مت عليكم ضحك ههههههههههههه
الله يرجكم قسم بالله اول مررره اضحك زي كذا

حبيت اوضح ان هذه نقطة ضعفي هههههههههههههههههه بس اضحك
والله هذه المشكله اشوف انسان يبكي عى طول اضحك هههههههههههه
وحتى لو شفته يضحك اضحك معه ههههههههههههههههههههه

لكن يوم اشوف رجل مسن يحتاج مساعده او طفل يشكو في هذه الحاله
احس قلبي بيتقطع :mad:

خلاص ما ابي اكمل يكفي والله ترى اقلبها حزن ههههههههههه

اشكرك وعد منساك من اعماق قلبي على هذا الموضوع

تحياااااتي .............. prinse sam

[وعد منساك]

prinse sam
والله مشكله قويه هذي بس تخيل انت في وضع محرج وجاك واحد عنده نفس مشكلتك وجلس يضحك عليك وانت منت طايق نفسك وش راح تسوي اكيد بتلعن مندوبه ههههههه معليش على الكلمه الاخيره بس كلامي صح والا لا
اذا شفت انك بتضحك في وضع مو قته الضحك فيه حاول تتذكر هذا الشي يعني راعي ظرف اللي جالس تضحك عليه وحط نفسك في محله شوي شوي وانت شايف نفسك تخلصت من هذي الشكله

اخوك ...
وعد منساك ...

[~*®§§§]§[الـحـ§ــزيـ§ــن]§[§§§®*~]

الله يستر
مشكور على موضوعك اخوي وتسلم يمداك

مشكلتي مرضى الاهانه لي شخص حتى لو كنت معرفه بس مرضى احد يهينه

وطيب وحساس مره

:D:D:)

[وعد منساك]

بالعكس هذي مو نقطة ضعف فيك بالعكس المفروض انك تفتخر فيها وما تزعل وكم اتمنى ان يكون لي صديق فيه هذي الخصله اخوي ~*®§§§]§[الـحـ§ــزيـ§ــن]§[§§§®*~ المفروض ما تزعل من هذي الميزه الطيبه فيك والمفروض تفتخر فيها فهي تدل على طيبتك الممزوج ببعض الغيره على اصدقاءك واصحابك ومشكور على المرور

اخوك ...
وعد منساك ...